Gumawa daw ako ng tula

Sabi ni tin gumawa daw ako ng tula
Tungkol sa mga nangyari sa amerika
Pag kakaibigang dito nag simula
Sa tatlong buwang dito kami ay nakatira

Pero parang ang hirap naman di ba?
Kung ikwe-kwento ko lahat dito sa tula
Baka mga babasa ay mag sawa
Dahil sigurado ako ito ay mahaba

Sa totoo lang hindi naman kami ganun mag kakilala
Nung una tila nag kakahiyaan pa
Pero nung nag tagal tagal na
Mga sira sa utak nag labasan na

Nung una hindi alam kung saan titira
Para kaming mga pusang gala
Kung saan saan nag lalagala
Kung kela jane ba o kela neztlee kaya?

Nag karoon pa nga ng problema
Merong makakating dila
Nag sumbong at nanira
Tungkol sa aming pag tira

Ayun wala pa rin siyang nagawa
Sa apartment nila dito pa din kami nakatira
Kaya nag hanap ng kasama
Para hindi naman siya mukhang kawawa

Kami, walang pake sa kanya
Bahala siya sa buhay niya
Basta kami ay masaya
Yun naman ang mahalaha di ba?

Bakit nga ba siya kasama dito sa tula
Yung iba baka ma-badtrip pa
Hindi naman kasi ganun ka ganda
Ang alam ng madala sa kanya

Mabuting kalimutan na siya
At tayo ay bumalik sa masasayang alaala
Sumulat ng isang mgandang tula
Dito mismo sa Amerika

Ako ay naka upo at nakatulala
Nang si anne dumating at may naalala
Isama ko daw si Grinch na aming nakita
Para masaya naman daw itong tula

Ang kulit niya di ba?
Sabi nang hindi ko na siya isasama sa aking gawa
Dito sa tulang pagka hababa haba
Promise last na talaga. Cross my heart walang kokontra

Sa Orlando kami ay pumunta
Sa Seaworld puro hayop aking nakita
Sa Universal ang masaya
Umulan nga lang nung kami ay pauwi na

Huling buwan ng mayo hindi ganun kasaya
Kaibigan kong thai umuwi na sa kanyang bansa
Pongpund ang pangalan niya
Okey lang yun, atleast nakilala ko siya di ba?

Pag off ko at si anne ang kasama
Malamang kami ay gagala
Kung saan saan pupunta
Para malibot itong tampa

Merong lugar na kasumpa sumpa
Ilang beses na ako laging pinapaasa
Florida aquarium ang pangalan niya
Pag hindi ako nakapasok dun hindi ako aalis ng tampa

Nung si darl bumili ng camera
Wala na kaming ibang nagawa
Sa picture kami’y walang sawa
Siyempre yun naman ang silbi ng camera di ba?

Pakiramdam ko ako ay napapagod na
Kanina pa ako sumusulat ng tula
Oven ini-iinit ko pa
Para may malamon ako mamaya

Parang meron nanaman akong naririnig na kanta
Naririnig ko nanaman ang national anthem nila
Minsan gusto ko ng batukan sila isa isa
Someone like you nanaman walang sawa

Ikaw ba naman hindi ka mag sasawa
Hindi matatapos ang araw ng hindi mo naririnig ang kanta
“Anu ba yan!” sabi ko sa kanila
Ayun tumigil sila. Alam nilang ayaw ko nung kanta


Parang may kulang pa dito sa tula
Sandamak mak pa ata
Pero may isang taong hindi pwedeng mawala
Ang nadagdag sa hukbong bebe ng tampa

Sino siya? Malamang kilala mo siya.
Sa employee line ang kanyang lungga
Animalistic ang paborito niyang talaga
Tama ang iyong hinala, Cess ang pangalan niya


Aba meron pa pala!
Si earl na sa Diablo laging naka tanga
Kahit konti lang ang hours niya
Basta makapag laro ng Diablo oks lang sa kanya

Naisip ko isang linggo na lang pala ang natitira
Malapit na kaming umalis sa tampa
Hindi ko alam ano ang nararamdaman ko talaga
Bitter sweet mag kahalo sila

Hindi ko alam kung ako ba ay masaya
Masaya dahil ako ay uuwi na
Malungkot dahil tapos na
Ewan ko ba. Ang gulo ko di ba?

Isang linggo na lang ang natitira
Kami ay pansamantalang maghihiwalay muna
Kung saan saan kami pupunta
Sa school na lang siguro kami mag kikita

May ilang pupunta ng California
Yung isa sa New York ang punta
Meron namang pupuntang Atlanta
At merong maiiwan sa Florida

Hindi ko alam kung papaano ko tatapusin tong tula
Basta ito na ang huling taludtod nitong aking gawa
Hindi ko man nasabi lahat dito sa sinulat kong tula
Basta ang alam ko the best ang pag punta ko sa Amerika